HK3-ART ၏ အွန်လိုင်းပန်းချီသင်တန်းများသည် ၂၀၂၅ ခုနှစ် ၇ လပိုင်းမှစတင်ကာ ပန်းချီအနုပညာအွန်လိုင်းအခြေပြုသင်တန်းများအတွက် သင်ကြားသင်ယူမှုလုပ်ငန်းစဉ်အား စတင်၍ အသက်ဝင်အကောင်ထည်ဖော်ဆောင်ရွက်မည်ဖြစ်ပါသည်။ သင်တန်းသား/သူများအနေဖြင့် မိမိတို့၏ အနုပညာစွမ်းရည်ကို အဆင့်ဆင့်တိုးတက်စေရန် ရမှတ်စနစ် HK3-ART Online Classes: Earn Points and Certificates System ဖြင့် ဆန်းစစ်အကဲဖြတ်ပေးပါသည်။ သင်တန်းသားများသည် မိမိတို့၏ လက်ရာများကို တင်ပြပြီးနောက် ဆရာမှ (၂၄ နာရီ အတွင်း) စစ်ဆေးပြီး ရမှတ်များပေးအပ်ကာ သတ်မှတ်အမှတ်ပွိုင့်ပြည့်မှီမှုအလိုက် အောက်ပါ သင်တန်းကာလ သင်ယူမှုအသိမှတ်ပြုဆုတံဆိပ်များဖြင့် ဂုဏ်ပြုချီးမြှင့်မည်ဖြစ်ပါသည်။ HK3-ART Online Classes: Earn Points and Certificates System 🥉 Bronze Award (ကြေးဝါဆု) (၀ မှတ်) အနုပညာ၏ အခြေခံအုတ်မြစ်များ သင်တန်းများကို စတင်တက်ရောက်ခြင်း “Bronze Award” Badge "ပန်းချီစက္ကူပေါ်တွင် သင့်အနုပညာခရီးစဉ် စတင်ရာနေရာ" 🥈 Silver Award (ငွေရောင်ဆု) (၀ -၂၀ မှတ်) ကျွမ်းကျင်မှုဖွံ့ဖြိုးလာခြင်း ဆရာ၏ အကြံပြုချက်များကို လက်တွေ့အသုံးချခြင်း လေ့ကျင့်ခန်းများကို တိကျမှန်ကန်စွာ လုပ်ဆောင်ခြင်း “Sliver Award” Badge "မျဉ်းကြောင်းများက သက်ဝင်လာပြီး ပုံသဏ္ဍာန်များ ပေါ်ထွက်လာစဉ်" 🥇 Gold Award (ရွှေရောင်ဆု) (၂၀ - ၅၀ မှတ်) ကိုယ်ပိုင်ဟန် ဖော်ထုတ်ခြင်း ကိုယ်ပိုင်လက်ရာနှင့် ဆရာနှင့်အတူ ဖန်တီးနိုင်ခြင်း သင်ခန်းစာများကို နားလည်ခြင်း “Gold Award” Badge "စွမ်းရည်က ကိုယ်ပိုင်ဖော်ပြချက်အဖြစ် ပြောင်းလဲလာစဉ်" 💎 Platinum Award (ပလက်တီနမ်ဆု) (၅၀ - ၇၅ မှတ်) စိတ်ကူးဉာဏ်နှင့် ကျွမ်းကျင်မှု ပေါင်းစပ်ခြင်း ဆရာ၏ အဆင့်မြင့်လမ်းညွှန်မှုများကို အပြည့်အဝအသုံးချခြင်း ဖန်တီးမှုလက်ရာများကို ပုံမှန်မျှဝေခြင်း “Platinum Award” Badge "နည်းစနစ်နှင့် စိတ်ကူးဉာဏ်တို့ ပေါင်းဆုံရာနေရာ" 🔷 Diamond Award (စိန်ဆု) (၇၅ - ၁၀၀ မှတ်) အောင်မြင်မှု သင်တန်းလိုအပ်ချက်အားလုံးနှင့် ရေးဆွဲလေ့ကျင့်မှုများ ပြည့်စုံခြင်း အနုပညာစွမ်းရည် ဖန်တီးနိုင်မှု ပြသခြင်း “Diamond Award” Badge "စွမ်းရည်က သင့်သင်တန်းပြီးမြောက်ကြောင်းလက်မှတ်အဖြစ် ပြောင်းလဲသွားသောအဆင့်" 🏅 HK3-ART အသိအမှတ်ပြုခြင်းနှင့် သင်တန်းလက်မှတ်ချီးမြှင့်ခြင်းစနစ် HK3-ART သင်တန်းသားတိုင်း၏ ကြိုးစားမှုနှင့် တိုးတက်မှုကို တန်ဖိုးထားပြီး၊ စနစ်တကျအကဲဖြတ်ပြီး အသိအမှတ်ပြုလက်မှတ်များ ချီးမြှင့်ပါသည်။ သင်တန်းပြီးဆုံးသူများသည် ၎င်းတို့၏ ကျွမ်းကျင်မှုအခြေအနေအပေါ်မူတည်၍ သက်ဆိုင်ရာ Certificate of Completion ကို ရရှိနိုင်ပါသည်။ 🖋 အသိအမှတ်ပြု လက်မှတ် (Certificate of Completion) သင်တန်းပြီးဆုံးသူများသည် အောက်ပါအချက်များအပေါ်အခြေခံ၍ အသိအမှတ်ပြုလက်မှတ် ချီးမြှင့်ခံရပါမည်– ပန်းချီနည်းပညာအရ တိုးတက်မှု ဖန်တီးနိုင်စွမ်းနှင့် မူရင်းဖန်တီးမှု စဉ်ဆက်မပြတ် တက်ရောက်မှုနှင့် လေ့ကျင့်ခန်းပြုလုပ်မှု ဆရာ၏ အကြံပြုချက်အပေါ် တုံ့ပြန်လုပ်ဆောင်မှု လက်မှတ်တွင် သင်တန်းသား၏ အောင်မြင်မှုအဆင့် ကို ထင်ရှားအောင် ပြသထားမည်ဖြစ်ပါသည်။ Certificate Design နမူနာပုံစံ ( မိမိအတန်းအပေါ်မူတည်၍ အတွင်းစာများပြောင်းလဲနိုင်) 💎 Diamond Award ရရှိသူများအတွက် အထူးအခွင့်အရေးများ Diamond Award ကို ရရှိသူ သင်တန်းသားများသည် အောက်ပါအထူးအခွင့်အရေးများကို ရယူနိုင်ပါသည် – နောက်ထပ် သင်တန်း (Program / Level) တက်ရောက်ခွင့် အခမဲ့ မိမိဖန်တီးထားသော ပန်းချီလက်ရာများကို HK3-ART Gallery နှင့် Blog တွင် ဖော်ပြခွင့် HK3-ART Store မှ PDF, eBooks, မူရင်းဖန်တီးနည်းလမ်းညွှန်များကို အခမဲ့ download ပြုလုပ်ခွင့် မိမိ၏ လေ့လာမှု တိုးတက်မှုအကျဉ်းချုပ် (Portfolio Summary) ကို အသိအမှတ်ပြုဖော်ပြခြင်း Diamond Award ရရှိသူများအပါအဝင် ထူးချွန်သော သင်တန်းပြီးဆုံးသူများအတွက် မိမိ၏ ဖန်တီးမှုများကို အကျဉ်းချုပ်ဖော်ပြထားသော အထူး Portfolio Recognition ကိုလည်း ထုတ်ပြန်ပေးပါမည်။ "ဤစနစ်သည် သင့်အနုပညာခရီးကို အဆင့်ဆင့်မြှင့်တင်ရန် ဒီဇိုင်းပြုလုပ်ထားပြီး၊ ဆုတံဆိပ်တိုင်းတွင် သင့်ကြိုးပမ်းမှု၏ ဂုဏ်ယူစရာအမှတ်လက္ခဏာဖြစ်ပါသည်။” သင့်အနုပညာခရီးကို HK3-ART နှင့်အတူ စတင်လိုက်ပါ (မှတ်ချက်: ရမှတ်စုစုပေါင်းသည် လူကြီး/ကလေးအတန်း အလိုက် သီးခြားစီ တွက်ချက်ပါသည်) ဆက်လက်သိရှိလိုသည့်အကြောင်းအရာနှင့် နားမလည်သောအကြောင်းအရာများအား Comment တွင်ရေးသားမေးမြန်းနိုင်ပါသည်။ လေးစားလျှက် HK3-ART Course Instructor Training & Teaching Methods for Children’s Art: Instructor Training Program https://www.hk3-art.com Online Art Education Platform (ကူးယူဖော်ပြခွင့်မပြု)

Assignment ဖိုင် ပြုလုပ်ခြင်း အဆင့်ဆင့်သင်ယူမှုလမ်းညွှန် ဤလမ်းညွှန်သည် Google Docs ကို အသုံးပြု၍ အင်တာနေရှင်နယ်အဆင့်မီ ပန်းချီပညာ သင်ကြားရေးအတွက် လိုအပ်သည့် စာရွက်စာတမ်းများ (Assignments) ကို စနစ်တကျ ပြုစုပုံအကြောင်း အသေးစိတ် ဖော်ပြထားပါသည်။ Creating Assignment Files in Google Docs - Step by Step Tutorials for HK3-ART Online Art Class Google Docs ကို စတင်အသုံးပြုခြင်း ၁. Google Docs ကို ဖွင့်ပါ-  သင်၏ ဖုန်း၊ Laptop သို့မဟုတ် Tablet တွင် Google Docs ကို ဖွင့်ပါ။ Google Docs ကို အသုံးပြုရန် သင်၏ Gmail Account  ဖြင့် Google Docs ထဲသို့ ဝင်ရောက် (Sign in) ထားရန် လိုအပ်ပါသည်။ ၂. စာရွက်အသစ်တစ်ခု ဖန်တီးပါ - Google Docs ၏ ပင်မစာမျက်နှာတွင်ရှိသော အပေါင်းလက္ခဏာ (+) ခလုတ် ကို နှိပ်ပြီး "New document"  ကို ရွေးချယ်ပါ။ ၃. Template အသုံးပြုခြင်းကို ရှောင်ပါ - Template များသည် ကြိုတင်ပြုလုပ်ထားသော ပုံစံများဖြစ်ပြီး သင်၏ Assignment အတွက် မလိုအပ်သောကြောင့် New document အသစ်ကိုသာ ဖန်တီးပါ။ Assignment File Name နှင့် Title ကို ပြုစုခြင်း Assignment တစ်ခုကို စတင်ပြုလုပ်သည့်အခါ Assignment Name နှင့် Title တို့ကို စနစ်တကျ သတ်မှတ်ခြင်းသည် အလွန်အရေးကြီးပါသည်။ ယင်းသို့ သတ်မှတ်ခြင်းဖြင့် ဖိုင်ကို လွယ်ကူစွာ ရှာဖွေနိုင်ပြီး စနစ်ကျစေပါသည်။ Assignment Name ထည့်သွင်းခြင်း သင်ပြုလုပ်မည့် Assignment ၏ အဓိကအကြောင်းအရာနှင့် သင်၏အမည်တို့ကို ဖိုင်အမည်အဖြစ် ပြုစုပါ။ ပုံစံ (ဥပမာ) : To Growth Physical and Mental Development HK3  (သင့်၏နာမည်) ဖိုင်အမည်ကို အောက်ပါအတိုင်း ပြုစုနိုင်ပါသည် - HK3 Assignment File Assignment Title ကို ပြုစုခြင်း သင်ပြုလုပ်မည့် Assignment ၏ ခေါင်းစဉ်ကို စာရွက်၏ အပေါ်ဆုံးတွင် ရေးပါ။ စာရွက်အပေါ်ဆုံးတွင် ရေးရမည့်အရာများ Assignment Title - To Grow Physical and Mental Development Module Number - Module 2 Step Number - Step 3 Program Name - Training and Teaching Method for Children's Art Education Assignment Title, Module, and Step ကို Format ပြောင်းလဲခြင်း Title ကို စနစ်တကျ ပြုပြင်ပုံ- ၁. To Grow Physical and Mental Development စာသားကို ရွေးချယ်ပါ။ (လက်ဖြင့် နှစ်ချက်နှိပ်ခြင်း၊ ဖိဆွဲခြင်းဖြင့် ရွေးချယ်နိုင်သည်) ၂. A ပုံစံ  ခလုတ်ကို နှိပ်ပါ။ ၃. "Style"  တွင် "Heading 1" ကို ရွေးချယ်ပါ။ ၄. "B"  ခလုတ်ကို နှိပ်၍ စာလုံးကို ပိုထူပေးပါ။ ၅. "Text color"  ကို "Blue"  သို့မဟုတ် "Red"  ဖြင့် ပြောင်းလဲပါ။ Module and Step ကို စနစ်တကျ ပြုပြင်ပုံ - ၁. Module 2 နှင့် Step 3 စာသားများကို ရွေးချယ်ပါ။ ၂. A ပုံစံ  ခလုတ်ကို နှိပ်ပါ။ ၃. "Style"  တွင် "Heading 3"  သို့မဟုတ် "Heading 4"  ကို ရွေးချယ်ပါ။ ၄. "B"  ခလုတ်ကို နှိပ်၍ စာလုံးကို ပိုထူပေးပါ။ ၅. "Text color"  ကို "Heading 1"  နှင့် လိုက်ဖက်သည့် ဖျော့သော "Blue"  သို့မဟုတ် "Red" အရောင်ဖြင့် ပြောင်းလဲပါ။ Assignment တစ်ခုကို အဆင့်ဆင့် ရေးသားခြင်း ၁. ခေါင်းစဉ်အသေးများ ရေးသားခြင်း - Assignment တစ်ခုကို စတင်ရေးသားသည့်အခါ "Heading 2"  သို့မဟုတ် "Heading 3"  ကို အသုံးပြု၍ ခေါင်းစဉ်အသေးများကို စနစ်တကျ ခွဲခြားပါ။ ၂. ဖောင့် (Font) အရွယ်အစားနှင့် ပုံစံ - စာရေးသားသည့်အခါ ဖောင့်အရွယ်အစား (Font Size) ကို ၁၂ သို့မဟုတ် ၁၄ ဖြင့် သတ်မှတ်နိုင်ပါသည်။ အလိုရှိရာဖောင့်ကိုလည်း ရွေးချယ်အသုံးပြုနိုင်ပါသည်။ ၃. ကိုယ်ပိုင်အချက်အလက်များ - သင်၏ နာမည်၊ ကျောင်းသားအမှတ် (Student ID) နှင့် အကောင့်နံပါတ် (Account Number) စသည့် အချက်အလက်များကို ပုံသေစာသားများအဖြစ် ကြိုတင်ထည့်သွင်းထားပါ။ နောက်ပိုင်း Assignment များတွင် အချိန်ကုန်သက်သာစေပါသည်။ Google Docs တွင် Table ထည့်သွင်းနည်း (အဆင့်ဆင့် လမ်းညွှန်) Google Docs ကိုအသုံးပြုပြီး Table (ဇယားကွက်) ထည့်သွင်းနည်းကို အောက်ပါအဆင့်များအတိုင်း အလွယ်တကူ ပြုလုပ်နိုင်ပါတယ်။ အဆင့် ၁။ Google Docs ကို ဖွင့်ပါ သင့်ရဲ့ Google Docs ဖိုင်ကို ဖွင့်ပါ၊ ဒါမှမဟုတ် ဖိုင်အသစ်တစ်ခုကို ဖန်တီးပါ။(အပေါ်အဆင့်တွင် အားလုံးပြုလုပ်ခဲ့ပြီးဖြစ်သည်။) အဆင့် ၂။ Table ကို ထည့်မယ့်နေရာကို ရွေးပါ Table ကို ထည့်သွင်းလိုတဲ့ စာရွက်ပေါ်က နေရာကို(ညာဘက်အပေါ်ဒေါင့်) အပေါင်းအား +    mouse နဲ့ click တစ်ချက်နှိပ် ပြီး Insert menu ကိုဖွင့်ပါ။ အဆင့် ၃။ ‘Table’ ကို ရွေးချယ်ပါ “Insert” ကို နှိပ်လိုက်ရင် ပေါ်လာတဲ့ မီနူးထဲကနေ “Table”  ကို ရွေးချယ်ပါ။ အဆင့် ၄။ Table အရွယ်အစားကို သတ်မှတ်ပါ “Table” ကို ရွေးချယ်လိုက်ရင် အကွက်လေးတွေနဲ့ Grid ပုံစံတစ်ခု ပေါ်လာပါလိမ့်မယ်။ Mouse ကို အသုံးပြုပြီး  သင်လိုချင်တဲ့ အကွက် အရေအတွက် (အတန်းနဲ့ အကွက်) ကို ဆွဲပြီး ရွေးချယ်နိုင်ပါတယ်။ ဥပမာ၊ ၃ တန်း၊ ၄ ကော်လံ (3x4) လိုချင်ရင် အဲဒီအကွက်အရွယ်အစားအထိ mouse နဲ့ ဆွဲပါ။ သင်ရွေးချယ်လိုက်တဲ့ အကွက် အရေအတွက်ကို Google Docs က အလိုအလျောက် Table တစ်ခုအနေနဲ့ သင့်စာမျက်နှာပေါ်မှာ ဖန်တီးပေးပါလိမ့်မယ်။ Table ကို ပိုမိုလှပစေရန်နှင့် ပြင်ဆင်ရန် နည်းလမ်းများ Table ကို ဖန်တီးပြီးသွားရင် ပိုမိုကောင်းမွန်အောင် ပြင်ဆင်နိုင်တဲ့ နည်းလမ်းတွေ အများကြီးရှိပါတယ်။ ၁။ အလှဲတန်း (Row) သို့မဟုတ် အထောင် ကော်လံ (Column) ထပ်ထည့်ခြင်း Table ရဲ့ အကွက်တစ်ခုခုပေါ်မှာ right-click နှိပ်ပါ ။ ပေါ်လာတဲ့ မီနူးထဲကနေ “Insert row above,” “Insert row below,” “Insert column left,”  ဒါမှမဟုတ် “Insert column right”  ကို ရွေးချယ်ပြီး လိုအပ်တဲ့ တန်း (သို့) ကော်လံကို ထပ်ထည့်နိုင်ပါတယ်။ ၂။ အလှဲတန်း (Row) သို့မဟုတ် အထောင် ကော်လံ (Column) ဖျက်ခြင်း ဖျက်လိုတဲ့ တန်း (သို့) ကော်လံပေါ်မှာ right-click နှိပ်ပါ ။ “Delete row”  သို့မဟုတ် “Delete column”  ကို ရွေးချယ်ပါ။ ၃။ Table ရဲ့ ဒီဇိုင်း ပြောင်းလဲခြင်း Table ရဲ့ ဘောင် (border) တွေကို ပြောင်းလဲဖို့အတွက် Table တစ်ခုလုံးကို ရွေးချယ်ပါ ။ အပေါ်က မီနူးဘားမှာ ပေါ်လာတဲ့ “Border color,” “Border width,”  နဲ့ “Border dash”, “Color”  စတဲ့ ရွေးချယ်စရာတွေကနေ အရောင်၊ အထူနဲ့ ပုံစံတွေကို ပြောင်းလဲနိုင်ပါတယ်။ ဒီအဆင့်ဆင့် လမ်းညွှန်ချက်တွေနဲ့ဆိုရင် Google Docs မှာ Table ကို အလွယ်တကူနဲ့ စနစ်တကျ ထည့်သွင်းနိုင်မှာ ဖြစ်ပါတယ်။ Google Docs တွင် File ကို သိမ်းဆည်းခြင်းနှင့် Export ပြုလုပ်ခြင်း Google Docs ရဲ့ အားသာချက်တစ်ခုကတော့ ဖိုင်တွေကို အလိုအလျောက် သိမ်းဆည်းပေးတာပဲ ဖြစ်ပါတယ်။ ဒါကြောင့် "Save" ခလုတ်ကို ကိုယ်တိုင်နှိပ်နေစရာ မလိုပါဘူး။  သို့သော်လည်း၊ ဖိုင်ကို မိမိရဲ့ ကွန်ပျူတာမှာ သိမ်းဆည်းတာ ဒါမှမဟုတ် တခြား format တွေနဲ့ Export လုပ်တာမျိုးတွေတော့ လုပ်နိုင်ပါတယ်။ အဆင့် ၁။ Google Docs File ကို သိမ်းဆည်းခြင်း (Save - ဒီနည်းလမ်းအသုံးပြုပါ) သင်အလုပ်လုပ်နေတဲ့ ဖိုင်ကို Google Docs က cloud ပေါ်မှာ အလိုအလျောက် သိမ်းဆည်းပေးပါတယ် ။ ဒါကြောင့် အင်တာနက်ရှိနေသရွေ့ သင့်ရဲ့ ပြင်ဆင်မှုတိုင်းကို အချိန်နဲ့တပြေးညီ သိမ်းဆည်းသွားပါလိမ့်မယ်။ မိမိ ဖုန်း၊ ကွန်ပျူတာ ထဲ Save(သိမ်းဆည်ရန်) "File Title"  များပေါ်သည့်နေရာတွင် မိမိ သိမ်းဆည်းချင်သော File ၏ ဘာဘက် အစွန်ဆုံး တွင်ရှိသော အစက် ၃ ခု နှိပ်ပြီး “Send a copy"  ကို ရွေးချယ်ရင် လက်ရှိဖိုင်ရဲ့ မိတ္တူတစ်ခုကို ဖန်တီးပြီး  “Save To File” ကိုရွေးကာ မိမိ Device ရှိ Folder  တစ်ခုခုတည်း နာမည်အသစ်ပေးကာ သိမ်းဆည်းနိုင်ပါတယ်။ အဆင့် ၂။ File ကို တခြား Format များဖြင့် Export ပြုလုပ်ခြင်း (Download - ဒီနည်းမလိုအပ်ပါ သိရှိရုံမျှသာ) သင်ဖန်တီးထားတဲ့ Google Docs ဖိုင်ကို အခြားသူတွေကို ပေးပို့ဖို့အတွက်ဖြစ်စေ၊ ကိုယ့်ကွန်ပျူတာထဲမှာ သိမ်းထားဖို့အတွက်ဖြစ်စေ အောက်ပါအဆင့်တွေအတိုင်း Download လုပ်ပြီး Export ပြုလုပ်နိုင်ပါတယ် ။ ၁။ Google Docs ရဲ့ ဘယ်ဘက်အပေါ်ထောင့်က “File”  ကို နှိပ်ပါ။ ၂။ ပေါ်လာတဲ့ မီနူးထဲကနေ “Download”  ကို ရွေးချယ်ပါ။ ၃။ "Download" ကို ရွေးချယ်လိုက်ရင် ပုံစံအမျိုးမျိုးနဲ့ Export လုပ်နိုင်တဲ့ ရွေးချယ်စရာတွေ ပေါ်လာပါလိမ့်မယ်။ Microsoft Word (.docx) : Word နဲ့ ဖွင့်ဖို့အတွက် PDF Document (.pdf) : စာရွက်စာတမ်းပုံစံအတိုင်း ပုံသေထားချင်ရင် OpenDocument Format (.odt) : LibreOffice, OpenOffice စတဲ့ software တွေနဲ့ ဖွင့်ဖို့ Rich Text Format (.rtf) : စာသားပုံစံချထားမှု (formatting) တွေပါတဲ့ text file အတွက် Plain Text (.txt) : စာသားသက်သက်အတွက် Web Page (.html, zipped) : Web page အဖြစ် ပြုလုပ်ဖို့ EPUB Publication (.epub) : E-book ဖန်တီးဖို့ ၄။ သင်လိုချင်တဲ့ Format ကို ရွေးချယ်လိုက်တာနဲ့ သင့်ဖိုင်ဟာ ကွန်ပျူတာရဲ့ Download folder ထဲမှာ အလိုအလျောက် သိမ်းဆည်းသွားပါလိမ့်မယ် ။ ဒါကြောင့် Google Docs မှာ ဖိုင်တွေကို ကိုယ်တိုင် "Save" နေစရာမလိုဘဲ အချိန်မရွေး၊ နေရာမရွေး ပြင်ဆင်နိုင်ပြီး လိုအပ်တဲ့အခါမှ မိမိကွန်ပျူတာထဲကို Download ဆွဲပြီး သိမ်းဆည်းနိုင်ပါတယ်။ Video ကိုနှိပ်ကြည့်ကာ အပေါ်မှ ဖော်ပြပါ အကြောင်းအရာများအားလည်း ပြန်လည်ရှုနိုင်ပါတယ်ခင်ဗျာ Creating Assignment Files in Google Docs - Step by Step Tutorials for HK3-ART Online Art Class နိဂုံးချုပ် ဒီလမ်းညွှန်ချက်တွေကနေ Google Docs ကို အဆင့်မြင့်အသုံးပြုပြီး သင်ခန်းစာတွေကို ပိုမိုစနစ်ကျလွယ်ကူစွာ ဖန်တီးနိုင်မယ်လို့ ယုံကြည်ပါတယ်။ Table တွေကို ဘယ်လိုထည့်သွင်းရမယ်၊ ပြင်ဆင်ရမယ်ဆိုတာနဲ့ ဖိုင်တွေကို ဘယ်လို သိမ်းဆည်း၊ Export လုပ်ရမယ်ဆိုတာတွေကို သေချာနားလည်သဘောပေါက်သွားပြီဆိုတော့ သင့်ရဲ့ပညာရေးနဲ့ သင်ကြားရေးလုပ်ငန်းခွင်မှာ အများကြီးအထောက်အကူဖြစ်ပါလိမ့်မယ်။ ဒီအခြေခံအချက်တွေကို အသုံးပြုပြီးတော့ သင့်ရဲ့ ကိုယ်ပိုင်အကြောင်းအရာတွေကို Google Docs ပေါ်မှာ လွတ်လပ်စွာဖန်တီးနိုင်ပါပြီ။ အစပိုင်းမှာ အခက်အခဲလေးတွေ ရှိနိုင်ပေမဲ့ ဆက်လက်လေ့ကျင့်သွားမယ်ဆိုရင်တော့ ပိုမိုကျွမ်းကျင်လာမှာ သေချာပါတယ်။ ဖော်ပြပါ အကြောင်းအရာများထဲမှ ဆက်လက်သိချင်တာများ မေးမြန်းလိုပါက Comment တွင် လွတ်လပ်စွာမေးမြန်းနိုင်ပါတယ်ခင်ဗျာ လေးစားလျှက် HK3-ART Course Instructor Training & Teaching Methods for Children’s Art: Instructor Training Program https://www.hk3-art.com Comprehensive Online Art Classes and Education Platform (ကူးယူဖော်ပြခွင့်မပြု)

လူကြီးအတန်းများ (Art Programs, Zoom Art Classes) (အပြည်ပြည်ဆိုင်ရာအနုပညာသင်တန်းများ၏ စံနှုန်းများနှင့်အညီ) HK3-ART ၏ အွန်လိုင်းပန်းချီသင်တန်းတွင် သင်တန်းသားများ၏ လေ့လာမှုတိုးတက်မှုကို တိကျမှုရှိအောင် တန်ဖိုးထားပြီး စနစ်တကျ အကဲဖြတ်ပေးခြင်းဖြင့် ခိုင်မာသော သင်ယူမှုစနစ်တစ်ခုကို တည်ဆောက်ထားပါသည်။ စုစုပေါင်း ၉ ချက်ဖြင့် ခွဲခြား၍ အမှတ်ပေးအကဲဖြတ်သည်။ စုစုပေါင်း ၉၀ မှတ်ဖြစ်ပြီး တစ်ခုချင်းစီတွင် အနုပညာကျွမ်းကျင်မှုနှင့် တတ်မြောက်မှုကို အခြေခံထားသည်။ HK3-ART Online Art Classes: Evaluation System for Zoom Art Classes HK3-ART အွန်လိုင်းပန်းချီသင်တန်း (Zoom Art Classes)အမှတ်ပေး အကဲဖြတ်စနစ် ၁။ လက်ရာအရည်အသွေး (Artwork Quality) ဤအချက်ကို အကဲဖြတ်ရာတွင် သင်တန်းသားတစ်ဦးချင်းစီ၏ လက်တွေ့ကျွမ်းကျင်မှုကို အောက်ပါအချက်များအပေါ် အခြေခံ၍ အမှတ်ပေးပါသည်။ ခဲ (Pencil) အသုံးပြုမှု - မှန်ကန်သော ခဲအမျိုးအစား (HB, 2B, 6B စသည်) ရွေးချယ်အသုံးပြုနိုင်မှု၊ ခဲတံကို ဖိအားနှင့် ထိန်းချုပ်မှု (Pressure Control) ရှိခြင်း၊ အရိပ်ထိုး လှုပ်ခြယ်နည်းစနစ် (Shading -ခဲခြစ်များ Hatching, Cross-Hatching, Stumping) များ တိကျစွာ အသုံးပြုနိုင်မှု၊ သန့်ရှင်းပြေပြစ်သော လိုင်းများ (Line Work) ဆွဲနိုင်မှုတို့ကို အဓိကကြည့်ရှုအကဲဖြတ်ပါသည်။ ဆီပါစတယ် (Oil Pastel) အသုံးပြုမှု - ဆေးရောင်များကို တိုက်ရိုက်အသုံးပြုခြင်း၊ လက်ချောင်း သို့မဟုတ် တစ်ရှုး (Blending)၊ အလွှာလိုက်ဖြည့်စွက်ခြင်း (Layering)၊ ဆေးခြောက်သွားပြီးမှ နောက်ထပ်အလွှာထပ်ခြင်း၊ ချွန်ထက်သော ကိရိယာဖြင့် ခြစ်ခြင်း (Sgraffito Technique) စသည့် နည်းပညာများ ကျွမ်းကျင်စွာ အသုံးပြုနိုင်မှုကို အကဲဖြတ်ပါသည်။ ၂။ အနုစိတ်လုပ်ဆောင်ချက် (Detail Execution) ဤအချက်သည် လက်ရာ၏ အနုစိတ်အဆင့်အတန်းကို ကြည့်ပါသည်။ မျဉ်းကြောင်းများ၏ တိကျမှု (Line Precision) - လိုအပ်သော နေရာတွင် ရဲရဲရင့်ရင့်နှင့် သေသပ်သော မျဉ်းများ ဆွဲနိုင်မှု၊ တုန်ခါနေသော မျဉ်းများ မဟုတ်ဘဲ ယုံကြည်ချက်ရှိရှိ ဆွဲနိုင်မှု။ ပုံသဏ္ဍာန်ဖွဲ့စည်းမှုမှန်ကန်မှု (Form Accuracy) - ပုံဆွဲထားသော အရာဝတ္ထု၏ ပုံစံ၊ အချိုးအစား၊ ပမာဏ (Proportion) နှင့် ရှုထောင့် (Perspective) တို့ မှန်ကန်နေမှု။ Texture ဖော်ပြနိုင်မှု - အရာဝတ္ထု၏ မျက်နှာပြင်သဘောကို (ဥပမာ- ချောမွေ့၊ ကြမ်းတမ်းမှု၊ ပျော့ပျောင်းမှု) နည်းလမ်းမျိုးစုံဖြင့် သရုပ်ဖော်နိုင်မှုကို အကဲဖြတ်ပါသည်။ ၃။ ကိုယ်ပိုင်မြင်ကွင်း ထည့်သွင်းဖန်တီးမှု (Personal Vision) ဤအချက်သည် သင်တန်းသား၏ ဖန်တီးမှုစွမ်းရည်၏ ပင်ကိုယ်သဘောကို အကဲဖြတ်ပါသည်။ ပေးထားသော ခေါင်းစဉ် (Theme) သို့မဟုတ် စိန်ခေါ်မှု (Challenge) ကို လွယ်လွယ်ကူကူ ပုံကူးချခြင်းမဟုတ်ဘဲ မိမိ၏ ကိုယ်ပိုင်အတွေး၊ အမြင်နှင့် ခံစားချက်များကို ထည့်သွင်းဖော်ပြနိုင်မှု။ လက်ရာ၏ ဇာတ်လမ်း (Narrative) နှင့် ခံစားချက်ဆိုင်ရာ သက်ရောက်မှု (Emotional Impact) ရှိမရှိ။ အခြားသူများနှင့် မတူသော၊ မူရင်းဆန်သော (Original) အမြင်နှင့် ခံစားမှုကို ဖော်ထုတ်နိုင်မှုကို အထူးတန်ဖိုးထားအကဲဖြတ်ပါသည်။ ၄။ စနစ်တကျလုပ်ဆောင်နိုင်မှု (Systematic Approach) ဤသင်တန်းသည် စနစ်တကျသင်ကြားသောကြောင့် လုပ်ငန်းစဉ်ကို လိုက်နာနိုင်မှုကို အရေးပေးအကဲဖြတ်ပါသည်။ Concept Sketch/Thumbnail Sketch - စိတ်ကူးအကြမ်းများ ရေးဆွဲခြင်းမှ စတင်ပါသည်။ Composition Planning - ပုံဖွဲ့စည်းမှုကို စနစ်တကျ စီစဉ်ခြင်း။ Underpainting/Block-in - အခြေခံအရောင်များ၊ ပုံသဏ္ဍာန်များ စတင်ချထားခြင်း။ Rendering/Refining - အသေးစိတ်များ ထည့်သွင်းပြီး လက်ရာကို ပုံသွင်းခြင်း။ Final Touches - နောက်ဆုံးအဆင့် အသေးစိတ်ပြင်ဆင်မှုများ ပြုလုပ်ခြင်း။ဤအဆင့်ဆင့်ကို တိကျစွာ လိုက်နာလုပ်ဆောင်နိုင်မှုအား မှတ်သားအကဲဖြတ်ပါသည်။ ၅။ အကြောင်းအရာနားလည်မှု (Conceptual Understanding) ဤအချက်သည် သင်တန်းသား၏ အတွေးအခေါ်ဆိုင်ရာ နားလည်သဘောပေါက်မှုကို စစ်ဆေးပါသည်။ သူ/သူမ ဖန်တီးနေသော အနုပညာလက်ရာ၏ အနှစ်သာရ (Core Idea/Message) ကို ရှင်းရှင်းလင်းလင်း သိရှိနားလည်မှု ရှိ/မရှိ။ သမိုင်းကြောင်း၊ ယဉ်ကျေးမှု သို့မဟုတ် သဘာဝတရားကဲ့သို့သော နက်ရှိုင်းသည့် အကြောင်းအရာများကို ပန်းချီဘာသာစကားဖြင့် မည်သို့ ဖော်ပြနိုင်သည်ကို နားလည်မှု။ သူ၏လက်ရာကို ကြည့်ရှုသူများအား မည်သို့သော အတွေးအမြင်မျိုး ပေးစွမ်းနိုင်မည်ကို စဉ်းစားတတ်မှု။ ၆။ အရောင်အသုံးပြုမှု (Color Application) Color Theory ကို ကျင့်သုံးနိုင်မှု - အရောင်စက်ဝိုင်း (Color Wheel) ပေါ်ရှိ အရောင်များ၏ ဆက်နွယ်မှုကို နားလည်ခြင်။ Tone Value - အရောင်၏ အလင်းအမှောင် (Lightness/Darkness) ကို ထိန်းချုပ်နိုင်မှု။ Contrast - ဆန့်ကျင်ဘက်အရောင်များ သို့မဟုတ် Tone Value များကို အသုံးပြု၍ ကြည့်ကောင်းအောင် ဖန်တီးနိုင်မှု။ Color Harmony - အရောင်များကို ညီညွတ်စွာ ပေါင်းစပ်အသုံးပြုနိုင်မှု (ဥပမာ- Analogous, Complementary, Triadic Schemes)။ ၇။ ဆရာ၏အကြံပြုချက်များကို လိုက်နာမှု (Feedback Implementation) ဤအချက်သည် သင်တန်းသား၏ သင်ယူမှုစိတ်သဘောထားကို ပြသပါသည်။ ဆရာ မှ ပေးသော Constructive Criticism နှင့် အကြံဉာဏ်များကို လက်ခံနိုင်မှု။ ထိုအကြံပြုချက်များကို နားလည်ပြီး လက်ရှိ သို့မဟုတ် နောက်ပိုင်းလက်ရာများတွင် ထည့်သွင်းအသုံးချနိုင်မှု။ မိမိ၏ အားနည်းချက်များကို သိရှိကာ တိုးတက်အောင် ကြိုးစားလုပ်ဆောင်မှု ရှိ/မရှိ။ ၈။ အချိန်မီတင်သွင်းမှု (Timely Submission) သတ်မှတ်ထားသော Deadline အတွင်း လေ့ကျင့်ခန်း (Exercise) နှင့် Assignment လက်ရာများကို အပြီးသတ်၍ တင်သွင်းနိုင်မှု။ ဤအချက်သည် ပရော်ဖက်ရှင်နယ် အလုပ်အလေ့အကျင့်ကောင်းတစ်ခုဖြစ်သော အချိန်စီမံခန့်ခွဲမှု (Time Management) စွမ်းရည်ကို ပြသပါသည်။ ၉။ Zoom Class တွင် ပါဝင်ဆွေးနွေးမှု (Class Participation) အွန်လိုင်းအတန်းခန်းအတွင်း ဆရာမေးသော မေးခွန်းများကို ပြန်လည်ဖြေကြားခြင်း။ ကိုယ်ပိုင်အတွေ့အကြုံများကို မျှဝေခြင်း။ အခြားသင်တန်းသားများ၏ လက်ရာများကို ကြည့်ရှုဝေဖန်အကြံပေးခြင်း (Peer Review)။ အုပ်စုလိုက် ဆွေးနွေးမှုများတွင် တက်တက်ကြွကြွ ပါဝင်ခြင်းတို့ကို အကဲဖြတ်ပါသည်။ ရမှတ်ပွိုင့်စုစည်းမှုနှင့် သတ်မှတ်ချက်များ HK3-ART ၏ အဆင့်မြင့် အကဲဖြတ်စနစ်သည် ကမ္ဘာကျော် Harvard, MIT, Royal College of Art, Bauhaus နှင့် Coursera ကဲ့သို့သော အပြည်ပြည်ဆိုင်ရာအဆင့်မီ သင်ရိုးညွှန်းတမ်းများ၏ စံသတ်မှတ်ချက်များနှင့် ကိုက်ညီစေရန် ဒီဇိုင်းပြုလုပ်ထားပါသည်။ ဤစနစ်သည် သင်တန်းသားများ၏ တီထွင်ဖန်တီးမှုစွမ်းရည် (Creativity)၊ နည်းပညာပိုင်းဆိုင်ရာ ကျွမ်းကျင်မှု (Technical Skill) နှင့် အနုပညာရှင်တစ်ဦး၏ အတွေးအမြင်များ (Conceptual Thinking) ကို အဆင့်ဆင့် ပုံဖော်တည်ဆောက်ပေးပါသည်။ " HK3-ART Online Art Classes: Evaluation System for Zoom Art Classes အမှတ်ပေး အကဲဖြတ်စနစ်သည် ကမ္ဘာ့အဆင့်မီ အနုပညာပညာရေးစံနှုန်းများကို လိုက်လျောညီထွေဖြစ်စေရန် ဒီဇိုင်းပြုလုပ်ထားပါသည်။ လူကြီးနှင့်ကလေး အတန်းများအလိုက် သင့်တော်သော သင်ယူမှုနည်းလမ်းများဖြင့် သင့်အနုပညာစွမ်းရည်ကို အဆင့်မြှင့်တင်ပေးရန်ကြိုးစားလျှက်ရှိပါသည်။” အနုပညာဖြင့် ပျော်ရွှင်သော သင်ကြားမှုအခိုက်အတန့်များ ဖန်တီးနိုင်ကြပါစေ! (ကူးယူဖော်ပြခွင့်မပြု) လေးစားလျှက် HK3-ART Course Instructor https://www.hk3-art.com  Online Art Classes and Programs For All Levels For more : Email -  hello@hk3-art.com

HK3-ART သည် အွန်လိုင်းပန်းချီသင်တန်းများအား အရည်အသွေးမြင့်မားစွာဖြင့် သင်ကြားပေးနေသော ပလက်ဖောင်းတစ်ခုဖြစ်ပြီး သင်တန်းသား/သူများ အောင်မြင်စွာ သင်ယူနိုင်ရန်အတွက် HK3-ART အွန်လိုင်းပန်းချီသင်တန်း တက်ရောက်မည့်သင်တန်းသားများအတွက် သင်တန်းစည်းကမ်းများနှင့် လိုက်နာဆောင်ရွက်ရမည့်အချက်များကို သတ်မှတ်ထားပါသည်။ ဤစည်းကမ်းများကို လိုက်နာခြင်းဖြင့် သင်တန်းအတွင်း ချောမွေ့ပြီး ထိရောက်သော သင်ကြားမှုကို ရရှိစေမည်ဖြစ်သည်။ HK3-ART Online Art Classes Rules and Essential Student Guidelines & Policies HK3-ART အွန်လိုင်းပန်းချီသင်တန်း သင်တန်းသားများ လိုက်နာရမည့်စည်းကမ်းများနှင့် အသေးစိတ်လမ်းညွှန်ချက်များ အတန်းမစမီ ပြင်ဆင်ခြင်း HK3-ART Online Art Classes Rules and Essential Student Guidelines & Policies ဝင်ရောက်ချိန် သင်တန်းစတင်ချိန်မတိုင်မီ ၅ မိနစ်အလို တွင် Zoom App ဖြင့် ကြိုတင်ဝင်ရောက်ပါ။Meeting ID နှင့် Password ကို သေချာစစ်ဆေး၍ အတန်းသို့ Join  ပါ။ အမည်ဖော်ပြခြင်း Zoom App ၏ Display Name  တွင် မိမိ၏ စစ်မှန်သောအမည်  ထည့်သွင်းဖော်ပြပါ။ ကင်မရာဖွင့်ခြင်းကလေးပန်းချီအတန်း များတွင် ဆရာ၏ လမ်းညွှန်မှုအတွက် ကင်မရာကို အမြဲဖွင့်ထားပေးပါ ။ အသံထိန်းချုပ်ခြင်း အတန်းအား အနှောင့်အယှက်မဖြစ်စေရန် Microphone ကို Mute  ထားပါ။မေးမြန်းလိုပါက ဆွေးနွေးချိန်တွင် ဖွင့်၍မေးမြန်းနိုင်ပါသည်။ နောက်ကျမှု သင်တန်းစပြီး ၁၅ မိနစ်ကျော်နောက်ကျ ပါက အတန်းဝင်ခွင့် မရှိပါ ။ ပြင်ဆင်မှုများ အင်တာနက်ချိတ်ဆက်မှုနှင့် နားကြပ်များ စစ်ဆေးပြင်ဆင်ထားပါ ။ အတန်းအတွင်း လိုက်နာရန်များ ပါဝင်ဆောင်ရွက်နည်း စည်းကမ်းလိုက်နာခြင်း အတန်းအား အနှောင့်အယှက်ဖြစ်စေသော  အပြုအမူများ (ဖုန်းပြောခြင်း၊ မသက်ဆိုင်သောစကားပြောခြင်း) မပြုလုပ်ပါနှင့်။သင်ခန်းစာနှင့် မဆိုင်သောမေးခွန်း များ ရှောင်ကြဉ်ပေးပါ။ အသံထိန်းသိမ်းခြင်း မိမိဘက်မှ နောက်ခံဆူညံသံများ  အနှောင့်အယှက်မဖြစ်စေရန် ဂရုပြုပါ။ မှတ်တမ်းတင်ခြင်း အတန်းမှတ်တမ်းများအား ဆရာမှသာ Recording  ပြုလုပ်မည်ဖြစ်ပါသည်။ Chat အသုံးပြုခြင်း Zoom Chat တွင် သင်ခန်းစာနှင့် မဆိုင်သော  ဓာတ်ပုံ/စာတိုများ မပို့ပါနှင့်။ ဆရာညွှန်ကြားသည့် အကြောင်းအရာများ ကိုသာ ဆွေးနွေးပါ။ အတန်းမှထွက်ခြင်း မိမိသင်တန်းချိန် မပြည့်မချင်း  ထွက်ခွာခြင်းမပြုပါနှင့်။အင်တာနက်ပြဿနာကြောင့် ထွက်သွားပါက ချက်ချင်းပြန်ဝင်ပါ။ အတန်းပျက်ကွက်ခြင်းဆိုင်ရာ သင်တန်းသားဘက်မှ ကြိုတင်အသိပေးခြင်း အတန်းပျက်ကွက်ရန် နာရီဝက်ကြိုတင် ၍ အသိပေးပါ -☎️ 09782848706  | ✉️ hello@hk3-art.com  | HK3-ART Facebook Page တွင်အကြောင်းကြားပါ။ ပျက်ကွက်နိုင်သည့် အကန့်အသတ် နေမကောင်းခြင်း/အရေးပေါ်ကိစ္စများမှလွဲ၍ တစ်ကာလလျှင် ၃ ချိန်ထက် ပို၍မပျက်ကွက်ရ ။(၃ ချိန်ထက်ပိုပါက နောက်အတန်းသစ်တွင် ပြန်လည်တက်ရောက်ရမည်) ပျက်ကွက်သည့်အတန်းများ လွဲခဲ့သောသင်ခန်းစာများကို Video Recording  ဖြင့် လေ့လာနိုင်ပါသည်။ သတိပြုရန်Zoom Link  နှင့် Recorded Video  များကို အခြားသူများနှင့် လုံးဝမျှဝေရ ။ ဆရာ့ဘက်မှ ပျက်ကွက်ပါက အသိပေးခြင်း Facebook၊ ဖုန်း သို့မဟုတ် Zoom မှတစ်ဆင့် အသိပေးမည်။ အစားထိုးသင်ကြားခြင်း ပျက်ကွက်သောအတန်းအား သင်တန်းသားများနှင့် ညှိနှိုင်း၍ ပြန်လည်သင်ကြားပေးမည် ။ HK3-Art မှ မူပိုင်ခွင့်ထိန်းသိမ်းထားသည့် သင်ခန်းစာပါအကြောင်းအရာများနှင့် အသုံးပြုမှုဆိုင်ရာ အသိပေးချက်များ Logo & Branding Assets Video Content Photos & Illustrations Website Program Courses Digital Products(Worksheets, eBooks, PDF Files, Presentation Files) 📌 ထိုအရာများသည် မူပိုင်ခွင့်ဖြင့် ကာကွယ်ထားသည်။ ပိုမိုသိရှိလိုပါက အောက်ပါ Link နှိပ်ကာဖတ်ရှုပါ။ https://www.hk3-art.com/online-art-classes-and-programs-for-all-levels/privacy-policy/logo-copyright   မပြုလုပ်သင့်သော မူပိုင်ခွင့်ချိုးဖောက်မှုများ ❌ eBooks, Worksheets, PDF များကို မည်သည့်မီဒီယာတွင်မဆို မဖြန့်ဝေပါနှင့် ❌ Digital Supplies များကို မဖြန့်ဝေပါနှင့် ❌ သင်ခန်းစား Content များကို Social Media တင်ရန်မပြုပါနှင့် ❌ Logo ကို ပြင်ဆင်ဖျက်သိမ်းခြင်း မပြုပါနှင့် ✅ ဆရာမှ ဒေါင်းလုဒ်ရယူရန် ခွင့်ပြုထားသော eBooks / Worksheets များကို  အသုံးပြုနိုင်သည် ✅ ခွင့်ပြုထားသည့် Content များကို သင်တန်းသုံးရန်သာ အသုံးပြုနိုင်သည် ✅ Online Course Modules များကို ကိုယ်တိုင်သင်ကြားရန်သာ အသုံးပြုနိုင်သည် သင်တန်းသား/သူ တစ်ယောက်ချင်းစီတိုင်းအနေဖြင့် မိမိကိုယ်ကို အောက်ပါအချက်များတာဝန်ယူလိုက်နာရန်။ ၁ .  လေးစားမှု နှင့် ယဥ်ကျေးမှု သင်တန်းအတွင်းမှာ ရှိနေသော သင်ကြားသူ (Instructor) နှင့် သင်တန်းသားများကြားအပြန်အလှန် လေးစားမှု ရိုသေမှုရှိစွာ ဆက်ဆံရမည်။ မည်သည့် အမျိုးအစား၏ ခွဲခြားခြင်း၊ ဖိအားပေးမှု သို့မဟုတ် သူတပါးသိက္ခာ အရှက်ကိုထိခိုက်စေသောအပြုမူများ၊ နိုင်ငံရေး၊ ဘာသာရေး၊ လူမျိုးရေးခွဲခြားသော စကားများ၊ ညစ်ညမ်းအသုံနှုန်းများ ပြောဆို ကို လုံးဝ (လုံးဝ) ခွင့်မပြုပါ။ ၂. လုံခြုံမှုနှင့် ထိန်းသိမ်းခြင်း သင်တန်းအတွင်းရှိ ဆွေးနွေးချက်များနှင့် မျှဝေချက်များ၏ လုံခြုံရေးနှင့် Data Privacy ကို လေးစားစွာထိန်းသိမ်းရမည်။ သင်တန်းအတွင်း မျှဝေသည့် အချက်အလက်များ၊ Videos, Photos, Templates, Files, Documents လေ့ကျင့်ရေးဆွဲမှုများ၊ယခု Program Course အတွင်းမှ တင်ပြထားသော စာများ၊ ပုံများနှင့် သင်ခန်းစာအကြောင်းအရာများအား Screenshoot ကဲ့သို့ မှတ်တမ်းများခွင့်ပြုချက်မပါဘဲ ပြင်ပ မည်သည့် Social Media Platform မဆို Website Owner/Instructor ခွင့်ပြုချက်မရဘဲ အသိပေးအကြောင်းကြားမှုမရှိဘဲ ဖြန့်ဝေ တင်ပြခြင်းမျိုး လုံးဝ(လုံးဝ) မပြုလုပ်ရပါ။ ၃. အပြုသဘောဆောင်သော အကြံပြုချက်များ တစ်ဦးဦး၏ အနုပညာလက်ရာများနှင့် လေ့ကျင့်ခန်းများကို ကောင်းမွန်သော အကြံပြုချက်များဖြင့် ဝေဖန်ဆန်းစစ်ပေးပါ။အကျိုးရှိသော အနုပညာအမြင့်ဖြင့်သာ အပြုသဘောဆောင်သော ဆွေးနွေးချက်များ၊ အကြံဉာဏ်များနှင့် ပေါင်းသင်းဆက်ဆံမှုများကို လေးစားရမည်။ အနုပညာဖန်တီးမှုများအပေါ် အပြန်အလှန် အထောက်အပံ့ဖြစ်စေရမည်။ ၄. သက်ဆိုင်သော အကြောင်းအရာများအပေါ် အာရုံစိုက်ခြင်း သင်တန်းအတွင်းရှိ ဆွေးနွေးချက်များနှင့် လေ့ကျင့်မှုများသည် ပန်းချီရေးဆွဲခြင်းနှင့် သက်ဆိုင်သော အကြောင်းအရာများကိုသာ ပြုလုပ်ရမည်။သင်ခန်းစာဆိုင်ရာ မေးခွန်းများနှင့် မေးမြန်းလိုသည်များအား သက်ဆိုင်ရာသင်ခန်းစာအောက်ရှိ Q/A Box တွင် အမေးအဖြေများပြုလုပ်နိုင်သည်။ ၅. ပုဂ္ဂိုလ်ရေး အချက်အလက်များ သင်တန်းသားများ၏ ပုဂ္ဂိုလ်ရေး အချက်အလက်များကို ခွင့်ပြုချက်မရှိဘဲ သင်တန်းသားအချင်းချင်း မျှဝေခြင်း၊ privacy ဆိုင်ရာကိစ္စများအား တောင်းယူခြင်းများ မပြုလုပ်ရ။ ၆. လေ့ကျင့်မှု သင်တန်းတွင် တင်ပြထားသော သင်ခန်းစာများကို ပုံမှန်ပြုလုပ်နိုင်ရမည်။ သင်ခန်းစာ လေ့ကျင့်ခန်းများအား အပြီးတိုင်ပြုလုပ်မှသာ သင်တန်းလတ်မှတ် Certificate ကိုရရှိမည်။အပတ်စဉ် သင်ခန်းစာလေ့ကျင့်မှုများကို ပြန်လည်တင်ပြရမှာဖြစ််ပြီး စစ်ဆေးခြင်း၊ လိုအပ်သည်များပြုပြင်လေ့ကျင့်ခြင်းများ ပြုလုပ်နိုင်ရမည်။   သတ်မှတ်ထားသော စစ်ဆေးမှုကာလ အတွင်းနောက်ကျလျှင် တစ်ပတ် (၇ ရက်) ကျော်၍ ပြန်လည်တင်ပြခြင်း သင်ခန်းစာလေ့ကျင့်မှုများ မပြုလုပ်ပါက သင်တန်းမှ ထုတ်ဖယ်မည်ဖြစ်ပါသည်။ ၇. လက်တွေ့ကျသော ရေးဆွဲခြင်းများ နှင့် ပျက်ကွက် သင်ခန်းစာ လေ့ကျင့်မှုများသည် မိမိအမှန်တကယ်လေ့ကျင့်မှုများသာ ပြန်လည်တင်ပြရန်နှင့် အမှန်တကယ်လေ့ကျင့် ရေးဆွဲခြင်းကိုသာ ကြိုးစာရန်။ သင်တန်းသားတစ်ဦးသည် သင်တန်းကာလအတွင်း သင်တန်းချိန် ၂ ချိန်ထက်ပိုမိုပျက်ကွက်၍မရပါ။ အကြောင်းတစ်စုံတရာကြောင့် သင်တန်းပျက်ကွက်ခဲ့သည်ရှိသော် အတန်းမစတင်မီ နာရီဝက်အလိုတွင် HK3-Art Facebook Page မှဖြစ်စေ ဖုန်း 09782848706  သို့ဖြစ်စေ ဆက်သွယ်အကြောင်းကြားရပါမည်။ သင်တန်းပျက်ကွက်အတွက် Zoom Class အတွင်း ပို့ချ လေ့ကျင့်မှုများအား နေ့အလိုက် Group တွင် Recording Link အားတင်ပေးထားမှာဖြစ်၍ လိုအပ်သလိုပြန်လည်ကြည့်ရှု့လေ့ကျင်နိုင်ပါသည်။(သင်ခန်းစာ Video Record တင်ထားပေးခြင်းသည် ပြန်လည်လေ့ကျင့်ကြည့်ရှုရန် အထောက်အကူဖြစ်အတွက်ဖြစ်ပြီး Download ပြုလုပ်၍ အခြားသူအား ပြန်လည်သင်ပြခြင်း Social Media ပေါ်သို့တင်ခြင်းများ လုံးဝ(လုံးဝ)မပြုလုပ်ရပါ။) ၈. သင်တန်း စည်းမျဉ်းစည်းကမ်းများနှင့် လိုက်နာမှု ရံဖန်ရန်ခါ လိုအပ်သလိုချမှတ်သော အတန်းစည်းမျဉ်းစည်းကမ်းများကို လိုက်နာရမည်။ ၉. မူပိုင်ခွင့် HK3-Art Logo သည်မူပိုင်ခွင့် နည်းဉပဒေအရ မူပိုင်မှတ်ပုံတင်အသိမှတ်အပြုခံရပြီးသော Logo ဖြစ်၍ ထိုအမှတ်တံဆိပ်ပါ မည်သည့်အကြောင်းအရာမဆို မိမိကိုယ်ကျိုးစီးပွါး အတွက်အသုံးမပြုရန်နှင့် အသုံးပြုလိုပါက ဆရာ့အား အသိပေးခြင်း ခွင့်တောင်းခြင်းပြုလုပ်ပါ။ ခွင့်ပြုချက်မရှိဘဲ ဖြန်ဝေခြင်းများပြုလုပ်ပါက မူပိုင်ခွင့်ဉပဒေအရ အရေးယူဆောင်ရွက်ပါမည်။( သင်တန်းသား/သူများအတွက် ဒေါင်းလုဒ်ရယူရန် အသုံးပြုခွင့် ၁၀၀% ပေးထားသော စာရွက်စာတမ်းများ၊ တင်ပေးထားသော Worksheets/Reference photo/Lesson photo/Download File/PDF File/Worksheets/Presentation File မျာအားလွတ်လပ်စွာအသုံးပြုနိုင်ပါသည်။) စည်းကမ်းချိုးဖောက်မှုနှင့် လုပ်ဆောင်ချက်များ အထက်ပါ စည်းမျဉ်းစည်းကမ်းများကို လိုက်နာမှု မရှိပါက စည်းကမ်းဖောက်ဖျက်ကြောင်း စီစစ်တွေ့ရှိပါက သတိပေးခြင်း (လုံးဝမရှိ) ပထမအကြိမ်မှာတင် သက်ဆိုင်ရာ Registration Mail နှင့် အကောင့်များအားလုံးကိုဖယ်ရှားထုတ်ပယ်ခြင်း ပြုလုပ်ဆောင်ရွက်မည်ဖြစ်ပါသည်။ (သင်တန်းသားများအနေဖြင့် ဤစည်းကမ်းချက်များကို လေးစားစွာ လိုက်နာပါက သင်တန်းအတွင်း ပျော်ရွှင်စွာ သင်ယူလေ့လာနိုင်မည်ဖြစ်သည်။) အနုပညာဖြင့် ပျော်ရွှင်သော သင်ကြားမှုအခိုက်အတန့်များ ဖန်တီးနိုင်ကြပါစေ! လေးစားလျှက် HK3-ART Course Instructor https://www.hk3-art.com  Online Art Classes and Programs For All Levels For more : Email -  hello@hk3-art.com (ကူးယူဖော်ပြခွင့်မပြု)

HK3-Art ပန်းချီသင်တန်းများအတွက် စာရင်းပေးသွင်းခြင်း အွန်လိုင်းဖောင်များအား အောင်မြင်စွာ ဖြည့်စွက်ခြင်းဆိုင်ရာ လမ်းညွှန်ချက်များ 1. အခြေခံအချက်အလက်များဖြင့် စတင်ပါ HK3-Art ၏ပန်းချီသင်တန်းများအတွက် စာရင်းပေးသွင်းခြင်း ဖောင်* ဖြည့်ခြင်းလမ်းညွှန် ကိုတစ်ဆင့်ခြင်းဖတ်၍ ဖြည့်သွင်းတင်ပြရမည့်ဖောင်တွင် အမည်အပြည့်အစုံ၊ အီးမေးလ်လိပ်စာနှင့် ဆက်သွယ်ရန်ဖုန်းနံပါတ်ကဲ့သို့သော အခြေခံအသေးစိတ်အချက်အလက်များကို ထည့်သွင်းပါ။ သင်တန်းမှ အရေးကြီးသောအသိပေးချက်များအတွက် အချက်အလက်များကို ပုံမှန်အားဖြင့် အသုံးပြုထားသောကြောင့် တိကျမှုသည် အရေးကြီးပါသည်။ အမည်နှင့် အီးမေးလ်လိပ်စာများ၏ စာလုံးပေါင်းသတ်ပုံကို သေချာစစ်ဆေးပါ။ နမူနာပုံ 2 . Gmail / အီးမေးလ်လိပ်စာရိုက်သွင်းခြင်း Gmail လိပ်စာများကို ထည့်သွင်းသောအခါ စာလုံးပေါင်းအမှားများမရှိရန် သေချာစွာစစ်ဆေးပါ။ ဥပမာ - example@gmail.com   email / gmail username တွင်ပါဝင်သော စာလုံးများသည် စာလုံးအသေး အမျိုးအစားကိုသာ ထည့်သွင်းရပါမည်။ အီးမေးလိပ်စာသည် အကောင့်အတည်ပြုချက်များအတွက် အရေးကြီးသဖြင့် သေချာစွာ စာလုံးပေါင်းကိုစစ်ဆေးပါ။ ဖြည့်သွင်းသော အီးမေးလိပ်စာ သည်မိမိဖုန်းထဲတွင် Active (အသုံးပြုနေ) မှသာလျှင် ပြန်လည်ရရှိမည့် အကြောင်းပြန်စာနှင့် ထပ်မံလုပ်ဆောင်ရမည့် အကြောင်းအရာအဆင့်များအားသိရှိမှာဖြစ်ပါသည်။ ပုံ - ၁ ပုံ - ၂ (မှားယွင်း) ပုံ - ၃ (မှန်) 3. လိုအပ်သော အကွက်များ * ပြထားသော - သို့ - (Required) စာပါသော အကွက်များကိုရှာဖွေပါ ခရေပွင့် (*) ဖြင့် အမှတ်အသားပြုထားသော (Required) စာပါသော အကွက်များ သို့မဟုတ် “လိုအပ်သည်” ဟု ဖော်ပြထားသော အကွက်များကို ရှာပါ။ ဖောင်ကို တင်ပြရန်အတွက် ဤကွက်လပ်များကို မဖြစ်မနေ ဖြည့်စွက်ရမည်ဖြစ်သည်။ နမူနာပုံ 4.ဖုန်းနံပါတ်များအတွက် သတိပြုပါ မြန်မာနိုင်ငံမှ ဖုန်းနံပါတ်များကို ထည့်သွင်းသောအခါ +95 ကုဒ်ဖြင့် စတင်ပြီး နံပါတ်၏ ပထမဦးဆုံး 09 တွင် 0 အစား +95 ကိုထည်ပြီး (ဥပမာ - Atom number ဆိုပါက +959723456789)။ ဖုန်းနံပါတ်ဖြည့်သွင်းခြင်းကို ချန်မထားပါနှင့် အချက်အလက်များပြည့်စုံမှသာလျှင် ဖောင်အောင်မြင်စွာ တင်ပြနိုင်မည်ဖြစ်သည်။ နမူနာပုံ 5. ငွေပေးချေမှုအောင်မြင်ကြောင်းမှတ်တမ်း ပုံကို အပ်လုဒ်လုပ်ခြင်း ငွေပေးချေမှုအောင်မြင်ကြောင်း အတည်ပြုမှု ပုံ (ဥပမာ- ငွေလွှဲခြင်း Screenshot သို့မဟုတ် ငွေပေးချေမှုထောက်ခံချက်ပုံ) ကို “+ Upload Payment Successful Image” အကွက်တွင် ဖြည့်သွင်းရန် လိုအပ်ပါသည်။ ပုံကိုရွေးချယ်ပြီး တင်သွင်းခြင်းအားဖြင့် ပုံမှန်အားဖြင့် ဆက်လက်ဖြည့်စွက်နိုင်မည် ဖြစ်ပါသည်။ နမူနာပုံ နမူနာပုံ 6. ငွေပမာဏကို ငွေပေးချေမှုအောင်မြင်ကြောင်းပုံနှင့် ကိုက်ညီအောင်ဖြည့်ပါ ငွေပေးချေမှုအောင်မြင်ကြောင်းမှတ်တမ်းပုံတွင် ဖော်ပြထားသည့် ငွေပမာဏကို “ငွေပမာဏ” အကွက်တွင် တိကျစွာ ထည့်သွင်းပါ။ ဤကွက်တွင် ဖြည့်သွင်းသည့် ငွေပမာဏသည် သင်၏မှတ်တမ်းပုံနှင့် ကိုက်ညီနေမှသာလျှင် သင့်ပေးဆောင်မှုကို မှန်ကန်သည်ဟု အတည်ပြုမည်ဖြစ်ပါသည်။ နမူနာပုံ 7. ညွှန်ကြားချက်များကို ဂရုတစိုက်လိုက်နာပါ ပုံစံအများအပြားတွင် လိုအပ်သောဖော်မတ် (Format) သို့မဟုတ် အချက်အလက်များကို ရှင်းလင်းရန် နယ်ပယ်တစ်ခုစီအနီးတွင် တိကျသောညွှန်ကြားချက် သို့မဟုတ် လမ်းညွှန်ချက်များပါဝင်သည်။ (ဥပမာ - MM/DD/YYYY)၊ စာသားအရှည် သို့မဟုတ် ဖိုင်အမျိုးအစားကန့်သတ်ချက်များ (ဥပမာ - JPEG သို့မဟုတ် PDF ဖိုင်များသာ) ပါဝင်သည်။ ဤဖော်မတ်အတိုင်း ဖြည့်သွင်းရန်လိုအပ်သည်။ နမူနာစာများ 8. အတည်ပြုချက်မက်ဆေ့ချ်များကို ရှာဖွေပါ ဖောင်ကို တင်သွင်းပြီးနောက် ဝဘ်ဆိုဒ်မှ ပြန်ပို့သောအတည်ပြုချက်မက်ဆေ့ချ် သို့မဟုတ် သင့်တင်ပြမှုအောင်မြင်ကြောင်း အတည်ပြုသည့် အီးမေးလ်ကို သင်ဖြည့်သွင်းလိုက်သော သင့်အီးမေးလ် Inbox တွင် ကြည့်ရှုပါ။ ဤအတည်ပြုချက်သည် သင့်အချက်အလက်များကို အောင်မြင်စွာ လက်ခံရရှိကြောင်း ပြသခြင်းဖြစ်သည်။ အရေးကြီးအဖြစ် သိမ်းဆည်းထားရန် အရေးကြီးသည်။ (သက်ဆိုင်ရာ လုပ်ငန်းစဉ်နှင့် သက်ဆိုင်သည့် နောက်ထပ်ပြုလုပ်ရမည့် / တက်ရောက်ရမည့် အတန်းများအတွက် အတည်ပြုမေးလ်တွင် ထပ်မံလုပ်ဆောင်ရန် Link များပါရှိတတ်သည်(လိုအပ်သောအခါမှသာလျှင်)။ လင့်ခ် များပါဝင်သော ဝင်စာ မေးလ်များသည် ရန်ဖန်ရံခါတွင် Inbox တွင်မပြသဘဲ Mail ထဲရှိ Spam Folder ထဲရောက်ရှိနေတတ်ပါသည်။ အန္တရာယ်ရှိသောကြောင့်မဟုတ်ဘဲ Mail ၏ Scan System အရ Link ပါဝင်သောကြောင့် Spam Folder ထဲရောက်ရှိသည့်အခါ ပြန်လည်ရှာဖွေပါ။) Code နမူနာပုံစံ 9. လိုအပ်ပါက အကူအညီရယူပါ မရှင်းလင်းသောညွှန်ကြားချက်များ သို့မဟုတ် နည်းပညာဆိုင်ရာအခက်အခဲများ ရှိပါက အကူအညီရယူရန် ဆက်သွယ်ရန် (သို့) အကူညီရယူရန် စာအားနှိပ်၍ သက်ဆိုင်ရာ အကြောင်းပြန်ခြင်းများထံမှ အကူညီများရယူပါ။ ဖောင်ဖြည့်ခြင်းလုပ်ငန်းစဉ်များတွင် အဆင်မပြေမှူများရှိပါက အောက်က ကွန့်မန့်(Comment) တွင်သိလိုသည်များ မေးမြန်းနိုင်ပါတယ်ခင်ဗျာ အထောက်အကူဖြစ်စေတယ်ဆိုရင် Heart React လေးနှင့် Rating လေးပေးလို့ရပါတယ်…… HK3-Art Platform တွင်ပန်းချီအနုပညာအကြောင်းအရာများအား ဝင်ရောက်လေ့လာသည့်တစ်ယောက်ချင်းစီတိုင်းကို ကျေးဇူးအထူးတင်ရှိပါတယ်ခင်ဗျာ❤️ ကူးယူဖော်ပြခွင့်မပြု Written by HK3-Art User Guide Articles Guides For Successfully Completing Online Form Registration For HK3-Art Classes HK3-Art Assistance Center HK3-Art | Comprehensive Art Learning Platform For All Levels See More; About HK3-Art Contact info; artist-hk3@hk3art.com www.hk3-art.com

Join the HK3-ART Online Art Classes through Zoom for an interactive and creative experience, complete with live webinars and personalized feedback. Enroll now to start your artistic journey. Zoom Meeting ကိုအသုံးပြု၍ HK3-ART အွန်လိုင်းပန်းချီသင်တန်းတက်ရောက်နည်း ZOOM Meetings စတင်အသုံးပြုခြင်း လမ်းညွှန်ချက် အွန်လိုင်းသင်တန်းတွေ တွင်ကျယ်လာတဲ့ခေတ်မှာ HK3-ART မှဖွင့်လှစ်သင်ကြားထားသော အွန်းလိုင်းပန်းချီ အနုပညာသင်တန်းကို အိမ်မှာနေရင်း အဆင်ပြေပြေတက်လို့ရပါတယ်။ Getting Started with ZOOM Meetings for HK3-ART Online Classes ယခုဘလော့ဂ်မှာ Zoom Application ကို အသုံးပြုပြီး ပန်းချီသင်တန်းတက်ရောက်နည်း အဆင့်ဆင့် နှင့် သင်တန်းတက်ရောက်မည့်သင်တန်းသား/သူတစ်ဦးချင်း အတန်းမတက်မီနှင့် အတန်းတက်နေစဉ်အတွင်း Zoom Meeting အဆင်ပြေပြေအသုံးပြုနိုင်ရန် အဆင့်ဆင့်ရှင်းပြပေးသွားမှာဖြစ်ပါတယ်။ အဆင့် ၁ – Zoom ကိုဘယ်လိုဒေါင်းလုဒ်ဆွဲမလဲ?   စမတ်ဖုန်း/တက်ဘလက်အတွက် - Android သုံးသူများ : Play Store မှ ဒေါင်းလုတ်ဆွဲရန် - iPhone/iPad** သုံးသူများ : App Store မှ ဒေါင်းလုဒ်ဆွဲရန်      ကွန်ပျူတာအတွက် - Zoom ဝက်ဘ်ဆိုက်ကို ဤနေရာမှာ နှိပ် ပြီး "Download" ကိုနှိပ်ပါ။ အဆင့် ၂ - လိုအပ်သော ခွင့်ပြုချက်များ (Permission)   Zoom App ကို မိမိဖုန်း (သို့) ကွန်ပြူတာမှာ ထည့်သွင်းပြီးပါက၊ Zoom သည် အောက်ဖော်ပြပါ ခွင့်ပြုချက်များကို တောင်းခံလေ့ရှိသည်။ Zoom app permission request to access the camera and microphone, allowing users to join meetings with audio and video capabilities. ဖုန်း/တက်ဘလက်သုံးသူများအတွက် ခွင့်ပြုရန် ( Permission - 1) Mic (မိုက်ခရိုဖုန်း) – သင်၏အသံကို မျှဝေရန် ပေါ်လာသော ရွေးချယ်ရန်မှ  OK (Allow)  ကိုသာ နှိပ်ရမှာဖြစ်ပါတယ်။ Don’t Allow (Deny)  ကိုနှိပ်ပါက Zoom တွင် မိမိအသံကို မျှဝေနိုင်တော့ဘဲ စကားပြောခြင်း၊ ဆွေးနွေးခြင်းများ အထိအတွေ့ရှိစွာ ပြုလုပ်လို့မရနိုင်ပါ။ ထို့ပြင် Host(ဆရာ) မှသင်ကြားပို့ချသောအကြောင်းအရာများနှင့် ဆရာ့အသံလည်းကြားနိုင်မည်မဟုတ်ပေ။ (သင်သည် HK3-ART Zoom Class Meeting တွင် တက်ရောက်သူတစ်ဦးအနေဖြင့် သင်ခန်းစာဆိုင်ရာ ပြောဆိုဆွေးနွေးခြင်း၊ အမေးအဖြေများပြုလုပ်ခြင်းများစွာ ပါဝင်နေသည့်အတွက် သင်၏အသံဖြင့်ပါဝင်ဆွေးနွေးရန်လိုအပ်သောကြောင့် “Allow” ကို နှိပ်ပေးရပါမယ်။) Z (Permission - 2) Camera (ကင်မရာ) – သင်၏မျက်နှာကို ပြသရန် Zoom App မှာ မျက်နှာပြရန် ကင်မရာခွင့်ပြုချက် လိုအပ်ပါတယ်။OK(Allow) ကိုနှိပ်သော်လည်းကောင်း၊ Allow While Using the App ဆိုသောရွေးချယ်မှုကို အသုံးပြုလို့ရပါတယ်။Don’t Allow (Deny) ကိုနှိပ်လိုက်ပါက သင်၏မျက်နှာကို Meeting ထဲမှာ ပြမယ်ဆိုတဲ့ အခွင့်အလမ်းဆုံးရှုံးသွားပါတယ်။ (HK3-ART Zoom Class Meeting ဖြင့်သင်ကြားသော အွန်လိုင်းပန်းချီသင်တန်းများ(လူကြီးအတန်းမှလွဲ၍) ရေးဆွဲလေ့ကျင့်မှုများအား တိုက်ရိုက်စစ်ဆေး သင်ကြားသည့်ပုံစံဖြစ်၍ ကင်မရာသည်အမြဲဖွင့်ရန်လိုအပ်သောကြောင့် “Allow” ကိုနှိပ်ပါ။) (Permission - 3) Notification – အသိပေးချက်များ သိရှိရန် Zoom မှ Meeting စတင်ချိန်၊ Schedule များကို သတိပေးရန် Notifications ခွင့်ပြုချက် လိုအပ်ပါတယ်။ Allow  ကိုနှိပ်မယ်ဆိုရင် Zoom မှ သင့်ကို အသိပေးချက်များဖြင့် Meeting ချိန်များလွတ်ခြင်း၊ မေ့လျော့ခြင်းများ ဖြစ်မည်မဟုတ်ပါ။ Don’t Allow  ကိုနှိပ်မယ်ဆိုရင် Meeting များမှ အချိန်မမှန်တက်ရောက်ခြင်း၊ သတိမမေ့ဖြစ်နိုင်ပါသည်။ (သင်သည်အချိန်မှန် Zoom အသုံးပြုသူဖြစ်ပါက  “Allow”  ကိုနှိပ်ဖို့ အထူးအရေးကြီးပါတယ်။) (Permission -4) Files & Photos – ဖိုင်များနှင့် Screenshot မျှဝေခြင်း Zoom မှတဆင့် ဖိုင်များ၊ စာရွက်စာတမ်းများ၊ ဓာတ်ပုံများ မျှဝေလိုသောအခါ မိမိ၏ Device သိုလှောင်မှု (storage access) ခွင့်ပြုချက် လိုအပ်ပါတယ်။ Allow  ကိုနှိပ်မယ်ဆိုရင် ဖိုင်လွှဲပြောင်းမှုများကို လွယ်ကူစွာ တင်ပို့/လက်ခံခြင်းများ ပြုလုပ်နိုင်ပါသည်။ Deny  ကိုနှိပ်မယ်ဆိုရင် မျှဝေပေးလိုသော ဖိုင်များ Upload မပြုနိုင်ဘဲ ကျန်ရစ်နိုင်ပါသည်။ (HK3-ART Class တွင် သင်ကြားရေးဆွဲလေ့ကျင့်မှု အထောက်အကူပြု Photo, PDF, Assignments, Document များသင်ကြားနေစဉ်သင်တန်းချိန်အတွင်း မျှဝေခြင်း နှင့် ရယူခြင်း(Save/Download) ပြုလုပ်ရန်လိုအပ်သောကြောင့် “Allow”  ကိုနှိပ်ဖို့လိုပါတယ်။) အဆင့် ၃ - Zoom Meeting App ထဲတွင် Setting ချိန်ညှိခြင်း 1.Account Setting (အကောင့်အချက်အလက်များ ပြင်ဆင်ခြင်း) HK3-ART Zoom Account ကို ပြင်ဆင်ရန် Zoom အကောင့်အတွင်း Display Name, Profile Photo, Email ကိုပြင်နိုင်သည်။ အကောင့်တစ်ခုအနေဖြင့် မိမိအမည် -> Display Name(အတန်းတွင်ဖော်ပြမည့်နာမည်) သတ်မှတ်ထားပြီး အလုပ်အမျိုးအစားအား "Online Art Class" ဟုဖော်ပြထားသည်။ Display Name ပြင်ခြင်း 1. Ac count Setting 2. Display Name 3.Ad d Your Name 2.Meetings Setting မီတင်တွေမှာအသုံးပြုမည့်စနစ်များ ပြင်ဆင်ရန် Settings > Meetings မှတဆင့် Meetings အတွက် ဗီဒီယို၊ အသံ၊ Background အသုံးပြုပုံများ ပြင်ဆင်နိုင်သည်။  Video Setting Touch Up My Appearance (OFF) Portrait Lighting (OFF) မျက်နှာအလှပြင်စနစ် (Touch up) နှင့် အလင်းအိမ်ကို အလိုအလျောက်ညှိပေးသော Portrait Lighting စနစ်ဖွင့်နိုင်သည်။ Advanced Video Setting Advanced Video Settings HD Video (ON) Mirror My Video (OFF) Picture-in-Picture(ON)   စနစ်များဖွင့်နိုင်သည်။ ဗီဒီယိုအရည်အသွေးကောင်းမွန်အောင် ဆောင်ရွက်နိုင်သည်။ Video Enhancements Info ဗီဒီယိုတိုးတက်မှု အချက်အလက်များ Advanced -> Optimize Video Quality (ON) Hardware Acceleration (ON) Video Stabilization (ON) စနစ်များကို ဖွင့်ခြင်းဖြင့် Zoom meeting ကို ပိုမိုပြတ်သားအောင် ပြုလုပ်နိုင်သည်။ Video Setting ချိန်ညှိခြင်း 1.Meetings Setting 2.Advanced 3.Video stabilization -> ON 3. Background & Filters နောက်ခံအမြင်ပြောင်းခြင်း Background များ၊ Video Filters များ အသုံးပြုနိုင်သည်။ မိမိနေရာမမြင်ရစေလိုလျှင် blur effect သုံးနိုင်သော်လည်း HK3-ART ပန်းချီသင်တန်းများတွင် သင်ကြားသင်ယူမှု လေ့ကျင့်ရးဆွဲခြင်းများအား အတန်းချီအတွင်း တိုက်ရိုက်စစ်ဆေးခြင်းများ ပြုလုပ်စစ်ဆေးသင်ကြားခြင်းကြောင့် Background Blur (နောက်ခံအားဝါးထားခြင်း) ကို လုံး၀(လုံး၀) မထည့်သွင်းရပါ။ Background Blur (None) 1. Meeting 2. Background & effects 3. None 4.General Settings Meeting အတွင်း သတိပေးချက်များ ပြင်ဆင်ခြင်း Show Meeting Controls (ON) Show Names (ON) Ask Before Leaving Safe Driving Mode စသည်ဖြင့် Meeting အတွင်း လုပ်ဆောင်ချက်များကို ပြုလုပ်နိုင်သည်။ 5.Message Preferences (Chat Settings) Chat နှင့် Message များပြသပုံ ပြင်ဆင်ရန် Unread Messages (ON) Chat Notification (ON) နှင့် Group Message Settings များကို ပြင်နိုင်သည်။ General & Team Chat Settings 1.General Setting 2.General Setting (ON) 3.Team Chat Setting 6.Audio Settings စကားပြောဆိုရန် အသံနှင့် အသံကြားရန်အတွက် သတ်မှတ်ခြင်း Wi-Fi / Cellular Data (အမြဲတမ်း အမှန်ခြစ်) အသုံးပြုသော်လည်း Audio မရရှိလျှင် ဖုန်းကို ခေါ်ဆိုပေးရန် စနစ်များသတ်မှတ်နိုင်သည်။ Audio Setting 1.Audio 2.Auto connect audio 3.Done 7.Manual Audio Connect (ရွေးချယ်ခြင်း) No.6 တွင်ဖော်ပြထားသော အမြဲတမ်းစကားပြောဆိုကြားနိုင်ခြင်းအတွက် ရွေးချယ်မှူ မပြုလုပ်ထားခဲ့လျှင် အောက်ပါပုံံထဲမှာ မြင်ရတဲ့ Zoom Meeting တစ်ခုကိုသုံးစွဲနေချိန်မှာ အသံကြားဖို့အတွက် Audio (အသံ) Microphone ကိုချိတ်ဆက်ရန်လိုအပ်ကြောင်း နှင့်သင့်အားရွေးချယ်ခွင့်ပြုချက် ပြထားတာဖြစ်ပါတယ်။ အောက်မှာရှိတဲ့နှစ်ခုမြောက်ရွေးချယ်စရာတွေထဲကမှ မှန်ကန်တဲ့နည်းလမ်း ကိုရှင်းပြပါမယ်။ ✅ Wi-Fi or cellular data ကိုနှိပ်ပါ ဘာဖြစ်မလဲ? ဒီခလုတ်ကိုနှိပ်လိုက်တာနဲ့ meeting ထဲမှလူများ၏အသံ နှင့် သင်တန်းဆရာအသံကိုကြားနိုင်မှာဖြစ်ပါတယ်။ သင့် Wi-Fi သို့မဟုတ် Data ဖွင့်ထားရင်, meeting ထဲမှ အသံအားလုံးအပြည့်အဝကြားနားနိုင်ပါတယ်။ မှန်ကန်တဲ့ရွေးချယ်မှု ဖြစ်ပါတယ်။ 🚫 No audio ကိုနှိပ်လျှင် ဘာဖြစ်မလဲ? သင် meeting ထဲမှာသူများအသံနှင့် သင်တန်းဆရာ သင်ကြားမှုအသံအား မကြားနိုင်တော့ပါ။ Zoom meeting သင်တန်းတက်နေချိန်အတွက် အဆင်မပြေဖြစ်နိုင်ပါတယ်။ 🔊 တစ်ခြားလူတွေ့အသံကြားချင်ရင် ဘာလုပ်ရမလဲ? ➡️ Wi-Fi or cellular data ကို နှိပ်ပါ။ 📌 အကြံပြုချက် Zoom သုံးပြီး HK3-ART Online Art Class တက်နေချိန်မှာ audio မချိတ်ဘဲဖြစ်နေတယ်ဆိုရင် သင်ခန်းစာများလုံးဝနားမလည်နိုင်ပါဘူး။ ထို့ကြောင့် "Wi-Fi or cellular data" ကိုသာရွေးချယ်သင့်ပါတယ်။ 8. Audio Suppression & Sound Setting အရည်အသွေးမြင့်အသံ ဖြင့် စကားပြောခြင်း Auto Noise Suppression (ဆူညံသံများအလိုအလျောက်လျော့ချခြင်း) Original Sound Personalized Audio Isolation စနစ်များဖြင့် Meeting အတွင်း အသံများပြောဆိုရာတွင် ရှင်းလင်းပြတ်သားရန် ကူညီပေးပါသည်။ Good Audio Quality Setting 1.Audio 2. Auto noise suppression ( ✅ ) Notification Settings အသိပေးချက် (Notifications) ပြင်ဆင်ခြင်း Promotions (ON/OFF) Others (ON) စနစ်များကို ဖွင့်/ပိတ် ပြုလုပ်နိုင်သည်။ အသိပေးချက်များကို သက်ဆိုင်ရာ setting များတွင် သတ်မှတ်နိုင်သည်။ Notification Get ON 1. Notification 2. Others (ON) သင့်ရဲ့ Zoom Meetings Settings အားလုံးကို အကောင်းဆုံးအဆင်ပြေဖို့ပြင်ဆင်ထားမှ သင်ယူမှုတစ်ခုလုံးကို အဆင်ပြေပြေဖြင့် လေ့လာသင်ယူနိုင်မှာဖြစ်ပါတယ်။ 🎨 အနုပညာကို ချစ်သူတိုင်းအတွက် – HK3-ART သည် သင့်ရဲ့အနုပညာခရီးမှာ အမြဲအတူရှိနေပါမယ်။ ✨ အနုပညာနဲ့ နည်းပညာပေါင်းစပ်မှု – အခုပဲစတင်လိုက်ပါ! Getting Started with ZOOM Meetings for HK3-ART Online Classes https://www.hk3-art.com Contact : hello@hk3-art.com Personal Blog : HK3-ART (ကူးယူဖော်ပြခွင့်မပြု)